CINCIN Blog in ka tthialmi a si

Nihin 17 DEC 2008 ah Linghrinsor Blog hi linghrinsor Gmail ID in ka tuah tthan. A hmasa ah bcintial Gmail ID in ka tuah cia mi kha Cincin Blog ah ka thlen i Blog Posts pawl ka tthial hna. Kehlei sidebar i a ummi pawl tu cu tthial khawh a si rua lo.

Zeikhomhmanh sisehlaw, kan hman tuah lai i a ttha ko lai tiah zumhnak ka ngei. Hi Linghrinsor ta hi Template hrimhrim hi ka duh ngai. A hring lei ka tlaihchan i a hring deuh in Custom set up in ka tuah.

Kan zoh tthan te lai.

Ka chuak rih lai. Cavite University Succor team he Pumpalulh chuihding a si i
atu hi kal a za cang. 2:00 PM ah UTS in Jeepmy in kan i thawh. A kal mi 19 kan si. Jeepmy kan khat bakte a si.

3:30 PM in pumpalulh chuih kan thawk. Halftime hlan cu an tei tuk hna. Gold 4:0 bak in an kan tei. Nigro pathum an i tel i an thiamtuk. An ranning, an passing pek a tthatning, an tlik tthawn ning, an thiam ngaingai a si. Kan defender pawl nih an chei hrimhrim hna lo.

Halftime hnu in minute 15 hrawng ka chuih ve. Kawlkhat ka kawlpiak ve hna. Kawl 3 kan cham tthan hna i 4:3 in an kan tei.

5:30 PM in kan rak kir tthan i 6:30 PM ah kan umnak UTS kan phan tthan. Rawlchuan a tlai cang ca ah Dodo nih a leng ah zanriah a ka dangh.

Linghrinsor

Linghrinsor Lungrawn khua

LINGHRINSOR LUNGRAWN KHUA

Lungrawn khua semnak Lairam te cu ngaih a um riangmang ko. 13 NOV 2005 in Lungrawn khua cu ka chuahtak i nihin ahcun kum 3 a tling cang. Chungkhar cingla hawikom, khuami le Krifabu kaltak in hitin kan tthutdir hi a har ngaingai ko. Zei ti awk a ttha hrimhrim lo.

13 NOV 2005 zan 7:30 PM ah Manila khua chung ka lut i Dasmarinas, Cavite province ah nihin tiang ka um. Keimah tein dum ka tuah i tisik anhnah le mehhang a ka rin dih. Ka rawl chuantti hawi DoDo (LDK) cu pakhat hmanh a ka bomh lo lawng si lo in aa laklawh can i rawl ei hmanh ah a zai. Dodo tluk mihrut hi cu an um ti lai lo tiah nihin ahcun ka ruah cang i zeihmanh ka chim duh ve ti lo.

Mah hi a hnu ah kan peh tthan te lai.

Cincin pa