From: LSKL
laimiling@yahoo.comSubject: Re: [Lai Forum] PASTOR DIRHMUN
To:
LAIFORUM@yahoogroups.comDate: Monday, December 1, 2008, 10:07 AM
U le nau hna,
Unau Sui Bik Thang le R. Van Tha Cung nih hi PASTOR DIRHMUN tlangtar in an langhter mi hi a tawite nain a fiangpup ko. Kan hnulei ah saunawn te minung 4, 5 nih ceih a si cang. Careltu vialte nih thil sining kan tuaktan khawh cio lai tiah zumhnak ka ngei.
Tutan ah tlawmpal vun chim ka duh ve ko. Laimi nih Pastor rian le dirhmun kong he pehtlai in kan ruahning, Pathian he kan ipehtlaihnak (kan theology) kan i palh deuh rua tiah ka ruah. Cucu PATHIAN RIAN timi le PASTOR RIAN timi hi a si. Laimi tampi Pastor an si ah, Evangelist an si ah, an hmurka in a chuak ttheu mi bia cu "Kannih Pathian rianttuantu" ti le mipi zong nih pastor le evangelist pawl kha "Nannih Pathian rianttuantu" timi biafang hi a chuak lengmang ttheu ko.
A ngaingai ti ahcun PATHIAN RIAN cu zumtu vialte, Pathian sermi vialte nih kan ttuan awk rian le kan ttuanmi rian a si. Siangcachim rian, Politics rian, chawlehthal rian, lothlawh, sattil zuat rian,... kan ttuanmi vialte hi Pathian ca ah ttuanmi rian an si dih. Phundang in chim ahcun cozah zung rianttuan vialte khi Pathian rian a si dih ko. Pastor rian lawng hi "Pathian rianthiang" kan ti i riandang vialte hi Pathian riantthiang ah kan ruat ti lo.
Bible chung ah PATHIAN RIAN timi tlangtar (Rom 12) ah hitin a um.
-Pathian sin ah a nung in pekchanh mi riathawinak bantuk in i pe tuah u; a rian ah aa pumpe mi le cohlan awk tlak mi si tuah u; cucu biaknak taktak Pathian nan pek awk biaknak cu a si (v.1).
Pathian rianttuannak ca ah laksawng phundang dang cio pek kan si. Laksawng kan hmuh mi cu:
-
Pathian bia chim thiamnak a si ahcun, zumhnak kan ngeihmi ning khan kan hman awk a si.
-
Midang ca rianttuan kha a si ahcun, cuticun kan ttuan awk a si.
-
Cawnpiak kha a si ahcun kan cawnpiak hna awk a si.
-
Midang thazaang pek kha a si ahcun kan pek hna awk a si.
-
Kan ngeihmi thil midang hrawm ve kha a si ahcun siangte in kan hrawm hna awk a si.
-
Nawl ngeihnak kha a si a si ahcun fakpi in rian kan ttuan awk a si.
-
Midang zangfah kha a si ahcun lunglawm tein kan zangfah hna awk a si.
-Mi vialte nih a ttha tiah an ruahmi kha tuah izuam u.
-Mi vialte he irem awk kha nan i zuam khawh chungin izuam u.
PASTOR RIAN cu a cung i PATHIAN RIAN pawl ah phunkhat a si ve. Fianfawinak ah phundang in chim ahcun Pathian Rian timi ah Department tampi a um i Pastor rian hi Department pakhat te a si ve. Acung i langhter mi vialte hi Department dang cio in Pathian rian an si dih.
Tulio Laimi tampi nih pastor te lawng Pathian Rianttuantu ah kan ruahmi hna hi kan palh tiah ka hmuh. Pastor a silo mi nih ttuanmi rian vialte Pathian rian ah kan chiah/ruah tilo ca ah cu ruahnak nihcun kan Krifa sinak, zumhning a dertthawmter ngai tiah ka ruah fawn. Pathian sermi minung dihlak nih kan ttuanmi rian cio kha PATHIAN RIAN a si ti hi kan theology hrampi bik ah chiah kan hau i fian kan herh.
Pastor pawl zong nih nanmah lawng Pathian rianttuantu ah nan iruat i pastor rian a ttuan lo mi poah Pathian rianttuantu ah nan hmuh ve hna lo tikah a poi ngaingai. Kan zate Pathian rianttuannak ah kan ikhat i kan ttuan cio, kan ttuanning lam bel aa dang ti theih ding kan si. Hitin ruahnak ithlaunak (gap) a um chung poah cu kan Krihfa sinak ah kan puithling kho lai lo.
Atang i Pastor nih a chungkhar ca ah a kawlhol ve lai maw? timi kong ah: Bible Biakam Hlun ning cun Biaknak rian a ttuanmi cu Tlangbawi le Levi pawl an si. Annih cu ram zong an ngei lo. Biaknak rian lawng an ttuan awk a si. Mipi nih Pathian an pekmi chawva vialte cu anmah ca ah a si. An ca ah a za ko. An fale ca tiang a za ko. A leng rianttuan an hau ti lo.
Atawifiannak bikin chim ahcun, tuchan Laimi nih pastor rianttuannak ca ah kan pekmi a tlawm ca ah hitin buainak a chuah hi a si ko.
Lungthiang tein,
L Sui Kung Ling
------------ --------- --------- ----
"A ngeimi cu chap chin, a ngeilo mi cu a ngeih
hnihchunhte hmanh chuh an si lai” (Lk 19:26)
From: Chin Miphun
mailto:chinmiphun@ymail.%20comSubject: Re: [Lai Forum] PASTOR DIRHMUN
To: LAIFORUM@yahoogroup s.com
Date: Sunday, November 30, 2008, 9:22 PM
U le nau hna,
Ka van peh rih lai.
Pastor si ahcun rum ahau. Chungkhat tthawngttha ngeih ahau.
Pastor pa nih Suit aitthit lo le Suitttha hna angeihlo ahcun, nehsawh atawng hawi. Suitttha a tthit ah le a thlahnih lahkhah dihding asi hawi. Suit pakhat te lawng angeih ah le a thil aithleng bal lo i thlenpah ding ti asi hawi. Khuate pastor te hrim cu Hotel ah hman an si hawi i, mehthaw le rawlthaw pe kho lo an si ah le thangchiat kan tawng lai ti an phang hawi. Pastor tampi le Politics lei a khelmi tampi cu sifah aiham mi le miphun le Pathian caah aipemi hrim hrim an si. Laimi nih le rawlhrawn kawh tikah ameh athawlo ti ahmangmi kan tamtuk hawi. Asi na-in hibantuk thil hi biapi ah achiami an si lo caah lunglawm ten an ttuankhawhnak hi asi ko rua ka ti!
Sui Bik Thang
Jac, FL
--------------------
From: rvantha cung
Subject: [Lai Forum] PASTOR DIRHMUN
To: LAIFORUM@yahoogroup s.com
Date: Saturday, November 29, 2008, 7:22 AM
A hlandeuh ah khan kan pastor le kong tlawmpal cu kan rak i ceihpah cang hna nain, a tu ah pastor dirhmun a sining thlawmpal tein ruahnak van in halta hna ka duh ve.
A can i pastor kong ka ruahtikah pastor hi dirhmunrep an ngei rualo tiah ka ruah can ah ka buai ngai tawn.Kalaymyo ah pastor pakhat a um, a Krifabu nih thlakhat ah 15000 -Ks anpektikah an chungkhar ni le minung(8) an si fawn tung i"hi ti hin cun kan thi ne lai hi te' tiah laitlanglei in thakbare an van phurhmikha (phaisa cawi chom in) a lak i Tamu,Mawre lei ah a va zuar. A tlun in a Krihfabu le innpa nih"pastor pi phaisa kawl cu" tiah an ti. "zumhnak in nun ding a si ko" an ti.
A pahnihnak pastor langhter ka duhmi cu, thlacam a zuam, a krihfabu zong a ti kha-whtawk in a len,a zohkhenh hna, a krihfabu le innpa zong nih an thangthat ngai, a sinain a fa le sianginn kai an duhve tik ah a hlawh in cun a kai ter kho ti hla lo,a fa le cu hoizoh lungfak in an um. Cu tikah a innpa le a krifabu nih an i thawh i "a kawlhawl pah ve lo hme cu" an ti than. Cu ti a sikun ah cun;
1. Pastor hi Pathian rian an tuanmi an philhlo poh ahcun chungkhar nunnak ca ah
an kawlhawl pah ve ding a si hnga maw?
2. Pastor cu an riantuan mi(Pathian rian)te lawng ahzumhnakin an dirding a si maw?
(a dang kawlhawl lo in)
Phaisa an kawl pah ah le kawlding a silo kan ti,an kawllo ah le Krihfabu nih cun
an fa le sianginn kainak tiang hna cu (ect. )kan zohkhenh khawhhna lai kan ti. Cu ti a siah cun, pastor a 2nd nak kan chim bantuk in a mah Pathian rian ah i hruhchihko selaw, minung a si ve tikah a fa le nih hoisining an hmuh ve tik ah an lung a fahmi cu Pathian nih zeitin dah a ruah hnga? Pastor hi hoika zawn thengte ah hin dah a dir hnga?a dirnak hmunding
nan ka chimhkhawh ah cun kai lawmtuk ko hnga.
Ruahchannak nganpi he;
R. Van Tha Cung
Bangalore, India
=================
Atang pawl hi ka ttial hnu ah respond tuahmi a si.
From: Victor Lian runbawi@yahoo.com
Subject: Re: [Lai Forum] PASTOR DIRHMUN
To: LAIFORUM@yahoogroups.com
Date: Wednesday, December 3, 2008, 8:50 PM
Dear Rev. Luke Sui Kung Ling,
Na dam theu lai dah! Ramchung ah maw a leng ah dah na um? Hi ka na tial mi hi ka lung a si ngai ngai ca ah, na bia te hi ka vun in hrawmh ve. Na chim mi hi keimah pumpak ka pom ning a si ve. Ram rian kan tuan kan ti mi hi Pathian rian a si ko tiah ka ti ve leng mang. A bik in Rom 12 hi ka bible uar mi a si. Biakin ah biachim an ka thiah poh ah phungchim lo in hi Bible hi ka rel theu pei tiah.
Vblian
Ottawa
------------------------
From: thla tawn thlatawn@yahoo.co.in
Subject: Re: [Lai Forum] PASTOR DIRHMUN
To: LAIFORUM@yahoogroups.com
Date: Thursday, December 4, 2008, 3:33 AM
Dear careltu hna,
Pastor dirhmun hi cu ruah awktlak asi. Kan pastor te hi an i zatnak ding tiang in krifa bu nih ni hlawh kan pek hna awk asi . Kan pastor te sifak tuk i an um ding hi cu a ho hmanh nih kan duh lai ti ka zumlo. Pastor rian a ttuanlo mi tluk tein khuasak tintuk nak ah herh bau mi an nei ve tihi philh piak ding an si lo, zei ca kan ti ah cun vawlei i an nun ve rih caah asi.
Pastor le Evangelist lawng hi pathian riantuantu an si timi cu ka pom lo. Chungttuanpa zong nih khin pathian rian a ttuan ka ti. Mi ruak a liang bauh deng i a pu mipa zong khi pathian riantuantu asi. Sifak bomhnak le ram caah phaisa a tho lengmang mi hna, fikfa phuntling nih a bomhmi ram rianttuantu pawl zong khi an si. Mi thih ni ah thlan a co lengmang mipa zong nih khin pathian rian a ttuan. Pa thian riantuan kan timi ah hin pulpit cung i hallelujah ti le thlacam khi cu mi ruak zonh rian nak cun a fawi deuh kan ti cio ko lai. Kan Bible nih zei thil nan tuah hmanh ah minung caah si loin pathian caah ka ttuan ti tu in ruat u a ti.........
Dam te in....
Danny B. Thla Tawn
Czech Republic
--------------------------
From: Zasang Cinzah zscinzah@yahoo.com
Subject: Re: [Lai Forum] PASTOR DIRHMUN
To: LAIFORUM@yahoogroups.com
Date: Thursday, December 4, 2008, 8:22 AM
Dear all,
Pathian caah riantuan timi sullam nan hrilfiahmi rel tikah logic a ciah ngai tiah ka ruah. SLK ttialmi hi ka rel tikah Khrifa asi mi paoh dirhmun in tuak ahcun Pathian caah rian kan ttuan ning hi aa dang cio awk cu asi hrim ko. Nain vuleicung mi vialte (zumtu he Zumlotu) he dirhmun in tuak ahcun zumlotu nih an ngeihmi zaangfahnak, mi an bawmhnak, mi caah thatnak an tuahnak, politic an khelnak, le midang caah an ipum peknak vialte hi Pathian riantuan ti awk cu a har ngai hnga. Zeicatiah, a zum hmanh an zumh lo ahcun zeitindah Pathian rian cu an ttuan khawh hnga.
Midang caah riantuan khawhnak, zaangfahnak, dawtnak, siaherhnak, etc. tbk vialte cu zumtu he zumlotu he kan ngeih mi Eden thluachuah asi ko caah Pathian riantuan ah chiah dih awk cu a har ngai in ka hmuh. Cucaah Pathian riantuan timi cu Khrifa [ zumtu] rian le "the great commission" deuh hi a si awk asi ko hnga;
a) Pathian dawtnak le Jesuh a kan tlanhnak thawngttha cu mi kip sin ah chim
b) Zumlotu hi zumtu ah ser
c) Zumtu hna thlarau thazaang pek
d) Pathian ram kauhnak caah thawhlawm pek
e) Zumtu vialte cu Jesuh hnu zultu kan si bantuk in kan ti khawh tawk cio in Pathian caah kan ipum pekmi hi hna hi Pathian riantuan cu asi awk asi hnga.
Upatnak he,
Asang
------------------------------
From: thawng pi thawngpi2003@hotmail.com
Subject: RE: [Lai Forum] PASTOR DIRHMUN
To: laiforum@yahoogroups.com
Date: Wednesday, December 3, 2008, 4:57 PM
Dear Upat mi Sui Kung Ling,
Na cattial mi a ttha tuk. Na chim mi ka lung a tling tuk ve hringhran. Azei pastor poah kanmah bantuk tein chawve neih a duh lo mi cu an um hrimhrim lai lo ...Pathian i bochan bu in rianttuan cu a hau hrinhran. Asi natein khrihrfa bu chung rianttuan tu zong nih ka lung a fian ngaingai a hau tiah ka ruah ve mi cu pastor tlawm deuh kan pek hna asi ahcun hi thil hi aum peng ko lai. Cu caah pastor te kan pek mi hna hi biatak deuh tein ruah cu a hau ngaingai ve tiah ka ruah.
Thawngpi
Australia
